Fransiya taraqqiyot agentligi O‘zbekiston budjeti xarajatlariga ko‘maklashish uchun 150 million yevro taqdim etadi, deb xabar bermoqda “Gazeta.uz” Moliya vazirligi tomonidan tayyorlangan Prezident qarori loyihasiga tayanib.
Hujjat loyihasida aytilishicha, 22-noyabr kuni FTA direktorlar kengashi O‘zbekistonga budjetga ko‘maklashish uchun 150 million yevro miqdorida qarz taqdim etilishini ma’qullagan. Kredit Osiyo taraqqiyot banki bilan hamkorlikda ishlab chiqilgan “Iqtisodiy boshqaruvni yaxshilash dasturi” loyihasi doirasida 20 yil muddatga (shu jumladan 6 yillik imtiyozli davr) taqdim etildi.
Avvalroq Fransiya taraqqiyot agentligi yaqin 4 yil ichida O‘zbekistondagi loyihalarga 450 million yevro sarmoya kiritish niyatida ekanligi xabar berilgan edi.
Izoh (0)