O‘zbekiston – Coca-Cola’ning mamlakatlar oldida umumiy 1 mlrd AQSh dollarni tashkil etgan uzoq muddatli ijtimoiy majburiyatlarini amalga oshirgan mamlakatlar ro‘yxatida turadi.
Coca-Cola kompaniyasi prezidenti Djeyms Kuinsi joriy yilning oktabr oyidagi rasmiy murojaatida, Coca-Cola’ning xayriya maqsadida qilgan sarflanmalari jami 1 mlrd dollardan oshganligini ta’kidlagan. Fond o‘zining 30 yildan ortiq bo‘lgan faoliyati davomida dunyoning 200 dan ziyod mamlakatlarning 655 million nafar fuqarolariga foyda keltirgan turli xil xayriya loyihalarga jami 1 mlrd dollardan oshgan moliyaviy yordam ko‘rsatdi, shu jumladan O‘zbekistonda ham.
90-yillar boshida Coca-Cola kompaniyasi bozordagi moliyaviy holatdan qat’iy nazar, ijtimoiy va xayriya loyihalarga muntazam ravishda mablag‘ o‘tkazib borish vazifasini o‘z oldiga maqsad qilib qo‘ydi. Shu bois kompaniya har yillik operatsion daromadining 1% foizi miqdordagi mablag‘lardan iborat bo‘lgan o‘z xayriya fondiga asos soldi.
Bugungi kunda mazkur jamg‘arma ekologik muammolarni hal etish, qishloqlar aholisini toza ichimlik suvi bilan ta’minlash, qishloq xo‘jaligida suvdan oqilona foydalanish, shuningdek atrof-muhitni ifloslanishi bilan bog‘liq muammolar, ayollar huquqlarini himoya qilish, hamda yoshlar ta’limi tizimiga yo‘naltirilgan loyihalarga grantlar ajratmoqda.
O‘zbekistonda Coca-Cola fondi barqaror rivojlanish loyihalarini amalda tatbiq etish doirasida BMTning taraqqiyot dasturi bilan 8 yildan buyon hamkorlik qilib kelmoqda. Shu vaqt mobaynida, jamg‘armaning moliyaviy yordami asosida BMTning taraqqiyot dasturi 500,0 ming AQSh dollaridan ortiq mablag‘larni loyihalarni amalga oshirishga yo‘naltirdi.
Grantlar Markaziy Osiyoda dolzarb muammolardan biri bo‘lgan suv tanqisligi muammosini hal etishga qaratildi.
Shu jumladan, suvni daryolardan, qo‘shni qishloqlardan tashib kelgan Samarqand va Navoiyning chekka hududlarida yashovchi aholi uchun toza ichimlik suvlarni etkazish bo‘yicha loyihalar amalga oshirildi (suv quvurlari o‘tkazildi, nasos va tozalash tizimlari o‘rnatildi).
Bugungi kunda shunday hududlarda yashovchi 19 mingdan ortiq aholi toza ichimlik suvi bilan ta’minlandi.
Samarqand viloyatining Pastdarg‘om, Navoiy viloyatining Karmana tumanlari hududlarida yerlarni sug‘orishda suvdan oqilona foydalanish bo‘yicha loyihalar amalga oshirildi, bu esa o‘z navbatida Pastdarg‘om tumani fermerlarining yiliga bir yarim million kub metr suvni, Karmana tumani fermerlariga esa bir daladan 53820 kub metr suvni tejash imkonini yaratdi.
Mamlakatimizda ayollarning iqtisodiy jihatdan himoyalanganlik darajasini mustahkamlash maqsadida, Samarqand viloyati qishloqlarining birida gilam to‘qish ustaxonasini tashkil etish yuzasidan loyiha amalga oshirildi. Dastlab ayollar o‘z kuchlari va loyihaning hayotiyligiga ishonishmagani tufayli ishtirok etishdan cho‘chishdi. Biroq, BMTning taraqqiyot dasturi xodimlarining professional yondashuvi o‘z samarasini berdi va 50 nafardan ortiq xotin-qizlar kasb hamda barqaror daromad olish imkoniyatiga ega bo‘ldi. Xozirda ular o‘z bilim va mahoratlarini o‘z hududlari hamda yaqin qishloqlarda yashovchi xotin-qizlarga ham ulashib kelmoqdalar.
Qayd etish lozimki, amalga oshirilgan barcha loyihalar iqtisodiy barqaror bo‘lib, ijobiy ta’sir doirasi yildan yilga ortib bormoqda.
Coca-Cola kompaniyasining eng ustuvor yo‘nalishlardan biri bo‘lgan – jamiyat hayot tarzini hamda farovonligini yaxshilash va shu orqali dunyoni yaxshi tomonga o‘zgartirishda Coca-Cola fondi filantropik bo‘g‘im hisoblanadi.
Coca-Cola kompaniyasining daromadi bevosita aholi farovonligi bilan bog‘liq bo‘lib, erishilgan foyda qanchalik yuqori bo‘lsa, jamiyat uchun Coca-Cola’ning o‘ziga xos biznesi bilan o‘zaro bogl’iq bo‘lgan barqaror loyihalarning amalda qo‘llanilish imkoniyati shunchalik yuqori bo‘ladi.
Reklama huquqi asosida
Izoh (0)