21-noyabr kuni butun dunyoda Televideniye kuni nishonlandi. Shu munosabat bilan Sputnik Toshkent teleminorasi haqida maqola chop etdi. Undan asosiy faktlarni keltirib o‘tamiz.
Inshoot 1981-yilda qurilgan, bunda O‘zbekiston SSR birinchi kotibi Sharof Rashidovning o‘rni katta bo‘lgan. Buning uchun u shaxsan Brejnevga qo‘ng‘iroq qilib, shunday qimmat, ammo strategik obyektga nisbatan zaruriyatni asoslab berishiga to‘g‘ri kelgan.
Minora Markaziy Osiyoda tomosha maydoni tashrif uchun ochiq bo‘lgan eng baland inshoot bo‘lib qolmoqda. Uning balandligi — 375 metr.
Teleminoraga 10:00 dan 20:00 gacha tashrif buyurish mumkin. Yaqindan boshlab minoraga ko‘tarilish bilan birga, bemalol suratga yoki videoga olish ham mumkin bo‘ldi.
Chipta pasport yoki boshqa shaxsni tasdiqlovchi hujjat ko‘rsatilgan holda, O‘zbekiston fuqarolariga 25 ming, chet elliklarga — 40 ming so‘mga sotiladi.
Minora foyyesida butun dunyo bo‘ylab turli mamlakatlarda joylashgan teleminoralar maketlarini tomosha qilish mumkin.
Tepaga uchta Shveysariya lifti qatnaydi, ularning tezligi — soniyasiga 4 metr.
Tomosha maydonida 30 marta kattalashtirib ko‘rsatuvchi binokl bor, ming so‘m evaziga 2 daqiqa foydalanish mumkin.
Tomosha maydonidan bir qavat balandda platformasi aylanib turadigan restoran joylashgan.
Izoh (0)