Davlat soliq qo‘mitasida Elektronika va axborot texnologiyalari vazirligi, VisionCraft va Securitarian kompaniyalari vakillaridan iborat Hindistonning delegatsiyasi bilan uchrashuv bo‘lib o‘tdi. Bu haqda “Daryo”ga qo‘mita matbuot xizmati ma’lum qildi.
Muzokaralar davomida axborot-kommunikatsiya texnologiyalari, ma’lumotlarni qayta ishlash markazlarini boshqarish sohalarida qo‘shma loyihalarni amalga oshirish masalalari muhokama etildi. Tomonlar axborot xavfsizligini ta’minlash, IT-mutaxassislar malakasini oshirish borasida tajriba almashish muhimligini qayd etdi.
Hamkorlikni muhim yo‘nalishi sifatida ma’lumotlarni qayta ishlash markazlarida manbalarni ko‘rib chiqish va tahlil qilish tezligini oshirish, bevosita ushbu markazlarda ishlovchi mutaxassislarni o‘qitish, qo‘shimcha soliqqa tortish bazasini aniqlash uchun yagona muassasalararo platformani ishlab chiqish belgilab olindi.
Izoh (0)