Internet veb-sahifalarida tarqalgan “Rivojlanish strategiyasi” markazida “O‘zbekistonda erkin iqtisodiy zonalarning samaradorligini baholash” mavzusida bo‘lib o‘tgan tadbirda aytilgan fikrlarga O‘zbekiston Respublikasi Adliya vazirligi huzuridagi Davlat xizmatlari agentligi o‘z munosabatini bildirdi. Bu haqda agentlik matbuot xizmati “Daryo” ga xabar berdi.
15-sentabrdagi “O‘zbekiston Respublikasi Yagona interaktiv davlat xizmatlari portali orqali elektron davlat xizmatlari ko‘rsatish tartibini takomillashtirish chora-tadbirlari to‘g‘risida”gi qaroriga asosan Yagona interaktiv davlat xizmatlari portalining yangi versiyasi ishga tushirilgan bo‘lib, hozirgi kunda mazkur portal orqali 50 dan ortiq davlat xizmatlarini olish imkoniyati mavjud.
Masalan, jismoniy va yuridik shaxslar 2018-yilning 1-aprelidan boshlab, muhandislik-kommunikatsiya tarmoqlariga ulanish hamda arxitektura va qurilish sohasida davlat xizmatlari ko‘rsatish bo‘yicha Davlat xizmatlari markazlariga o‘zi kelib murojaat etishi yoki O‘zbekiston Respublikasi Yagona interaktiv davlat xizmatlari portalida davlat xizmatidan elektron tarzda foydalanish imkoniyati yaratilgan.
Bundan tashqari, qabul qilingan Ma’muriy reglamentlarga asosan muhandislik-kommunikatsiya tarmoqlariga ulanish bo‘yicha davlat xizmatlarining o‘rtacha muddati 3 ish kunidan 7 ish kunigacha bo‘lgan muddatni, arxitektura va qurilish sohasidagi xizmatlarining o‘rtacha muddati esa 3—10 ish kunigacha tashkil etadi.
Muhandislik-kommunikatsiya tarmoqlariga ulanish xizmatlariga quyidagilar kiradi:
- elektr tarmoqlariga ulash;
- gaz tarmoqlariga ulash;
- issiqlik ta’minoti tarmoqlariga ulash;
- suv ta’minoti tarmoqlariga ulash va suv chiqarib tashlash.
- bino va inshootlarning tashqi ko‘rinishini o‘zgartirishni kelishish;
- obyektni qayta ixtisoslashtirish va rekonstruksiya qilishga ruxsatnoma berish;
- arxitektura-rejalashtirish topshirig‘ini ishlab chiqish;
- loyiha-smeta hujjatlarini kelishish;
- qurilish-montaj ishlarini amalga oshirishga ruxsatnoma berish;
- yakka tartibda uy-joy qurishga (rekonstruksiya qilishga) ruxsatnoma berish;
- qurilishi (rekonstruksiyasi) tugallangan bino va inshootlarni foydalanishga qabul qilish bo‘yicha davlat xizmatlarini o‘z ichiga qamrab oladi.
Izoh (0)