2018-yilda davlat byudjetiga kelib tushgan bojxona to‘lovlari qiymati 11,5 trillion so‘mni tashkil qilishi kutilmoqda. Bu budjet daromadlarining 15 foizini tashkil qiladi. Bu haqda Oliy Majlis Senatining matbuot anjumanida ma’lum qildi, deya xabar beradi “Turon 24”.
Bu yilgi budjetga kelib tushgan bojxona to‘lovlari o‘tgan yilgiga nisabatan 30 foizga ko‘proq.
Bojxona qo‘mitasi vakillarining fikricha, bojxona to‘lovlaridan tushgan daromadning oshishi, asosan, narxlar liberalizatsiyasi bilan bog‘liq.
“Agar oldin narxi 1 dollar bo‘lgan tovar uchun biz davlat kursi, aytaylik, 4 ming so‘mdan kelib chiqib bojxona solig‘ini hisoblagan bo‘lsak, liberalizatsiyadan so‘ng kurs ikki karra oshdi. Albatta, bu bojxona to‘lovlaridan tushumni oshirdi”, deb aytdi qo‘mita vakili.
Bundan tashqari, bojxona to‘lovlaridan tushumning oshishiga importning keskin ko‘payishi ham sabab bo‘ldi. 2018-yilning 9 oy ichida import hajmi 13,7 milliard AQSh dollarini tashkil qildi.
2019-yilda bu ko‘rsatkich 14,8 trillion so‘mni tashkil qilishi prognoz qilingan. Budjetning umumiy daromadlari esa 102,6 trillion so‘mni tashkil qilishi kutilmoqda.
Izoh (0)