Namangan viloyatining To‘raqo‘rg‘on tumanida 27-oktabr kuni Chustko‘prik mahallasida yashovchi S.M. o‘zi ishlaydigan korxona rahbari — mahalladosh A.R. bilan janjallashib qolgan.
O‘zbekiston IIV Jamoatchilik va ommaviy axborot vositalari bilan aloqalar boshqarmasi axborotiga ko‘ra, janjal vaqtida S.M. o‘z rahbarining boshiga temir bo‘lagi bilan urib, unga jarohat yetkazgan.
“Natijada A.R. kasalxonaga yotqizilgan. S.M. ushlangan”, — deyiladi vazirlik axborotida.
Holat yuzasidan jinoyat ishi qo‘zg‘atilgan, tergov harakatlari olib borilmoqda.
Izoh (0)