London sudi rasmiylar tomonidan mablag‘larni talon-taroj qilishda ayblangan Ozarbayjon Xalqaro banki sobiq prezidenti Jahongir Gajiyevning rafiqasi Zamira Gajiyevani garov asosida qo‘yib yubordi. Bu haqda Meduza xabar bermoqda.
Garov puli 500 ming funt sterlingni (655 ming dollar) tashkil etdi. Gajiyeva endi har kuni politsiyada ko‘rinib turishiga to‘g‘ri keladi.
Shuningdek, unga kechki soat 9 dan so‘ng uyni tark etish, xalqaro vokzal va aeroportlarga yaqinlashish, Londondan tashqariga chiqish man etildi.
Ma’lumot uchun, 55 yoshli Zamira Gajiyeva Londonda 6-noyabr kuni Ozarbayjon rasmiylariso‘roviga ko‘ra hibsga olingandi. Uning Londondagi Naytsbridj tumanida hashamatli uyi borligi, 2006—2016-yillarda Harrods univermagida 16,3 million dollar sarflagani bildiriladi.
Izoh (0)