9-noyabr, juma kuni tonda havaskor boksda jahon chempionati sovrindori Sanjar Tursunov AQShda professional boksdagi debyut jangini o‘tkazdi.
Kaliforniya shtatidagi Fantasy Springs Casino arenasida o‘tkazilgan jangda Sanjarga meksikalik Megel Kubos raqiblik qildi. Tursunov ikkinchi raunddayoq raqibini nokautga uchratdi. Shu tariqa, 20 yoshli bokschi professional ringdagi faoliyatini g‘alaba bilan boshladi.
Kubos shu kungacha professonal boksda 31 ta jang o‘tkazib, ularning 11 tasida g‘alaba qozongandi (8 tasi nokaut bilan). 20 ta jangda esa mag‘lubiyatga uchragan (9 ta jangda nokautga uchragan).
Izoh (0)