O‘zbekiston Mehnat vazirligi: norasmiy band fuqarolar uchun patent kiritilishi hali muhokama qilinmoqda

O‘zbekiston Bandlik va mehnat munosabatlari vazirligi OAVlarda xususiy kirakashlik, kunbay haq to‘lanadigan ishlar va xususiy yollanib ishlaydigan ta’mirlash-qurilish ishlari kabi faoliyat turlari uchun patent kiritilishi rejalashtirilayotgani haqida paydo bo‘lgan xabarlar haqiqatga to‘g‘ri kelmasligini ma’lum qildi.

“Mehnat faoliyatining ko‘rsatilgan turlari uchun patent kiritilishi qonunchilik tashabbusi emas va hech bir rasmiy hujjatga kiritilmagan. Ayni paytda ushbu masala Bandlik va mehnat munosabatlari vazirligi doirasida muhokama qilish va o‘rganish bosqichida”, — deyiladi xabarda.

O‘zbekistonda mehnat bozoridagi asosiy muammolardan biri bu norasmiy sektorda bandlik darajasi kattaligidir, bunda barcha ishlovchilarning 56 foizi jamlangan, deyiladi bayonotda.

Ta’kidlanishicha, aynan shu holat qator salbiy oqibatlarga olib kelmoqda — davlat budjetiga soliq to‘lovlari kelib tushmayapti va bu holat istiqbolda pensiya tizimiga ham o‘z «yukini» tushirmoqda.

Bunda bir yillik faoliyat uchun eng kam ish haqining 4,5 baravari miqdorida patent to‘lovini amalga oshirish kerak bo‘ladi.

“Bunday turdagi patentni olish faqat ko‘ngilli ravishda amalga oshirilgan. Ya’ni patentni ko‘ngilli ravishda olib va yiliga 912 285 so‘m (oyiga 76 023 so‘m) to‘lab, fuqaro mehnat stajining to‘liq mehnat faoliyati sifatida hisoblanilishiga erishar edi. Bunday chora umumiy pensiya tizimi shakllantirishga qo‘shimcha sondagi fuqarolarni jalb qilish imkonini berardi va keyinchalik ushbu fuqarolarning yosh bo‘yicha pensiya olishini ta’minlardi”, — deya aniqlik kiritdi vazirlik.