Kecha, 15-oktabr sanasida Millatlar Ligasi doirasida bir nechta bellashuv o‘tkazildi.
Xususan, Islandiya terma jamoasi o‘z uyida Shveysariyani qabul qilib, 1:2 hisobida imkoniyatni boy berdi.
Ispaniya terma jamoasi esa Angliyaga qarshi bahs olib bordi. Uchrashuvda hisobni 16-daqiqada Rahim Sterling ochdi. 29-daqiqaga kelib Markus Reshford klubdagi jamoadoshi David de Xea darvozasini yana bir marta ishg‘ol qildi. 38-daqiqada esa Rahim Sterling dublga erishdi. Ikkinchi bo‘limning 58-daqiqasida Pako Alkaser gol urib, hisobni qisqartirdi. 90-daqiqada Serxio Ramos gol urdi, biroq bu gol Ispaniyaga na g‘alaba uchun va na durang uchun yetarli bo‘ldi.
Gretsiya terma jamoasi safarda Finlyandiya bilan kurash olib borib, 0:2 hisobida mag‘lub bo‘ldi. Estoniya—Vengriya uchrashuvida esa muxlislar 3:3 hisobidagi jangovar durang guvohi bo‘lishdi.
Millatlar Ligasi
15-oktabr, dushanba
3-tur bellashuvlari
Izoh (0)