2018-yil 29-avgust kuni soat 22:30 larda noma’lum shaxs Kogon shahri Istirohat ko‘chasida yashovchi, 1997-yilda tug‘ilgan fuqaro M.Sharipovga tegishli bo‘lgan, Nurobod ko‘chasida joylashgan sartaroshxonadagi stol ustida turgan Nokia E 500 rusumli qo‘l telefonini o‘g‘irlab ketgan edi, deb xabar beradi Buxoro viloyati IIB matbuot xizmati.
Olib borilgan qidiruv-surishtiruv davomida ushbu jinoyatni Kogon shahar Zamondosh ko‘chasida yashovchi, 1985-yilda tug‘ilgan, Kogon tumanidagi KNAUF qo‘shma korxonasi ishchisi Shomahmudova Hilola Husanovna (ismi sharifi o‘zgartirilgan) sodir qilganligi aniqlanib, ashyoviy dalil telefon apparati tegishli tartibda hujjatlashtirilib olingan.
Ushbu holat yuzasidan Jinoyat Kodeksining 169-moddasi (o‘g‘rilik) 1-qismi bilan qo‘zg‘atilgan jinoyat ishi bo‘yicha H.Shomahmudova gumonlanuvchi tariqasida jalb qilingan.
Izoh (0)