O‘zbekistonda Muhandislar-konsultantlar uyushmasi tashkil etildi, deb yozadi “Podrobno.uz”.
Uyushma ta’sischilari Vazirlar Mahkamasi huzuridagi “O‘zInjiniring” Respublika loyiha instituti, Korporativ boshqaruv ilmiy-ta’lim markazi va Islohotkonsaltservis kompaniyasi bo‘ldi.
Uyushmaning vazifalari quyidagilar:
- loyiha, injiniring va konsultatsiya xizmatlarini rivojlantirish;
- uning a’zolarini istiqbolli investitsiya loyihalarini amalga oshirish bo‘yicha faoliyatga jalb etish;
- uyushma a’zolarining huquqlari va qonuniy manfaatlarini ifodalash va himoya qilish;
- xalqaro moliya institutlari hisobidan moliyalashtiriladigan muhandislar-konsultantlar, loyihalarni amalga oshirish guruhlari xodimlarining malakasini oshirish;
- oliy ta’lim muassasalari bilan ularning o‘quv dasturlariga loyihalash va qurilish sohasidagi eng yangi yutuq va innovatsion yondashuvlarni joriy etish bo‘yicha hamkorlik qilish;
- xorijiy muhandislar uyushmalari bilan hamkorlik qilish, sifatli loyihalashtirish ishlarini, shu jumladan, xorijda amalga oshirish uchun konsorsiumlar shakllantirish.
Izoh (0)