Toshkent shahrining Mirzo Ulug‘bek tumanidagi aksariyat hududlarda 3-sentabr kuni soat 9:00 dan 21:00 ga qadar suv bo‘lmaydi. Bu haqda tuman hokimligi matbuot xizmati ma’lum qildi.
Bunga tuman hududidan o‘tgan suv yopqich va nasos agregati ta’mirlanayotgani sabab qilib ko‘rsatilgan. Hokimlik buning uchun aholidan uzr so‘ragan.
Suv ta’minoti, jumladan, Mirzakalon Ismoiliy, Tamaraxonim, Qori Niyoziy, Tolstoy, Irrigator mavzelari, Mustaqillik, Asaka, Darxon, Movarounnahr ko‘chalarida bo‘lmasligi bildirilmoqda.
Izoh (0)