Bu va boshqa shu kabi savollarga Milliy matbuot markazida Markaziy bank hamda “Qishloqqurilishbank”ning qo‘shma anjumanida mutaxassislar javob berdi.
— Pulning almashishiga sabab ham, ehtimol ham yo‘q. To‘g‘ri, inflyatsiya o‘sishi mumkin. Chunki bankning qayta moliyalash stavkasining ikki foizga oshirilishi o‘z-o‘zidan bozordagi narx-navoga ta’sir qiladi.Tadbirkor kredit olgan bo‘lsa, endi oshgan ikki foizni qoplash uchun ishlab chiqarayotgan mahsulotini bahosini balandlashtiradi.
Prezident Shavkat Mirziyoyev barcha mansabdor shaxslar tomonidan aholiga real holatni va haqiqiy statistika ma’lumotlarni yetkazib berish bo‘yicha qat’iy topshiriq bergan. Guvohi bo‘layotganimizdek, O‘zbekistonda inflyatsiya yashirilayotgani yo‘q.
Narxlarning o‘sish tendensiyasi e’lon qilinmoqda, unga ko‘ra joriy yilda ham inflyatsiyaning darajasi yuqori bo‘lishi kutilmoqda. Ta’kidlash kerakki, narxlarning bozor mexanizmlari asosida shakllantirish kelgusi davrlarda inflyatsiya “jilovini” tortib turish imkonini berishi tabiiydir.
Mish-mishlar odamlarga qaysidir ma’noda ogohlik va profilaktika chorasidek ta’sir qilishi mumkin. Biroq iqtisodiy-moliyaviy va bank tizimida mish-mishlarga emas, rasmiy bayonotlarga tayangan ma’qul.
Qayd etish joizki, yaqin orada so‘mning qadri oshishi kutilmoqda. Xususan, yalpi ichki mahsulotga teng miqdorda mablag‘ bo‘lganda uning qadrsizlanishi to‘xtaydi. Yana investitsiya kiritish hajmining oshishi ham pul qadrini oshiradi.
Izoh (0)