Qatar amiri Tamim bin Hamad at-Taniy Turkiya prezidenti Rajab Toyyib Erdo‘g‘onga narxi qariyb bir yarim milliard dollar turadigan shinam Boeing 747-8i reaktiv samolyotini sovg‘a qildi. Bu haqda “Korrespondent.net” xabar berdi.
Ta’kidlanishicha, muxolifat tanqidchilari samolyotning soliq to‘lovchilar puliga kelganini ta’kidlayotgani sababli Erdo‘g‘on kemaning sovg‘a qilinganini tan olishga majbur bo‘lgan. Samolyot 500 million dollar evaziga sotuvga qo‘yilganida, Erdo‘g‘on Turkiya uni sotib olmoqchi ekanligini ma’lum qilgan. Bundan xabar topgan Qatar amiri Turkiya yetakchisiga samolyotni sovg‘a qilgan.
Turkiya va Qatar o‘rtasidagi siyosiy, harbiy va iqtisodiy munosabatlar Anqara Qatarni Saudiya Arabistoni boshchiligidagi mintaqaviy alyansga qarshi nizolarda qo‘llab-quvvatlagach, keskin yaxshilangan.
Izoh (0)