Belarus respublikasining “Belkommunmash” kompaniyasi sinovdan o‘tkazish uchun Toshkentga elektr avtobusini taqdim etadi. Bu haqda Spot xabar bermoqda.
Avvalroq, hokimlik matbuot xizmati Toshkent shahar v.b. hokimi Jahongir Ortiqxo‘jayev va “Belkommunmash” bosh direktori Vladimir Korol kelgusidagi hamkorlik istiqbollari muhokama qilingan uchrashuv haqida xabar qilgan edi.
Vladimir Korolning ta’kidlashicha, elektr avtobusi ekologik toza transport vositasi bo‘lib, u 5−7 daqiqada zaryadlanadi. Elektr avtobus video kuzatuv tizimlari, GPS-navigatsiya va iqlim nazorati bilan jihozlangan.
“O‘zbekiston prezidenti uchun kichik taqdimot o‘tkazdim. Men uning muqobil energiya manbalari haqida xabardorligi va bu sohada aniq rejalar haqida o‘ylashidan qoyil qoldim”, — dedi “Belkommunmash” kompaniyasi rahbari.
Kompaniyaning elektr avtobusi innovatsion yo‘lovchi transport vositasidir. Shu bilan birga, u trolleybus va avtobusning afzalliklarini birlashtiradi.
“Belkommunmash” kompaniyasi MDH davlatlarida yer shahar elektr transportini ishlab chiqaruvchi etakchi kompaniyalardan biri hisoblanadi.
Izoh (0)