Saudiya Arabistoni hukumati mamlakatning eng yirik kompaniyasi Saudi Aramco’ga neftni monopol tarzda qazib olishga imkon beruvchi litsenziya muddatini chekladi. Bu mamlakatda iqtisodiy islohotlar sari birinchi qadam bo‘lishi mumkin, deb yozadi Financial Times.
Shu paytga qadar Saudi Aramco mamlakat neftini qazib olish bo‘yicha muddatsiz litsenziyaga egalik qilgan. Endi uning muddati 40 yil etib belgilangan. Formal o‘zgarishning maqsadi mahalliy iqtisodiyotni jahon standartlariga olib kelish bo‘lishi mumkin. Bunday qadam birjaga chiqishga tayyorlanayotgan Saudi Aramco’ga investorlarni jalb qilishi mumkin.
Hukumat litsenziya uchun 20 yillik muddatni ham ko‘rib chiqqan, biroq bu yakunda kompaniya ko‘rsatkichlariga salbiy ta’sir ko‘rsatadi, degan qarorga kelingan.
Izoh (0)