O’zbekistonda istiqbolli boshqaruv kadrlari tanlovi e’lon qilindi

Istiqbolli boshqaruv kadrlarini tanlab olish bo‘yicha “Taraqqiyot” respublika tanlovi e’lon qilindi. Tanlov joriy yilning 30-mayidagi Prezident qaroriga asosan uch yilda bir marta o‘tkaziladi, deb yozmoqda “Gazeta.uz”.

Tanlov g‘oliblari “Boshqaruv kadrlarini tayyorlashning prezident dasturi” bo‘yicha uch oylik o‘quv kursida ta’lim oladi, xorijda amaliyot o‘taydi, keyin esa davlat tashkilotlarida boshqaruv lavozimlariga tayinlanadi.

“Taraqqiyot” tanlovi quyidagi 16 ta nominatsiya bo‘yicha o‘tkaziladi:

1. Davlat va jamiyat boshqaruvida eng yaxshi boshqaruv xodimi;
2. Sud-huquq sohasida eng yaxshi boshqaruv xodimi;
3. Kredit-moliya tizimida eng yaxshi boshqaruv xodimi;
4. Sanoat sohasida eng yaxshi boshqaruv xodimi;
5. Axborot texnologiyalari va kommunikatsiyalar sohasida eng yaxshi boshqaruv xodimi;
6. Qishloq va suv xo‘jaligi sohasida eng yaxshi boshqaruv xodimi;
7. Arxitektura va qurilish sohasida eng yaxshi boshqaruv xodimi;
8. Kommunal xo‘jalik sohasida eng yaxshi boshqaruv xodimi;
9. Soliq va bojxona sohasida eng yaxshi boshqaruv xodimi;
10. Ekologiya va atrof-muhit muhofazasi sohasida eng yaxshi boshqaruv xodimi;
11. Ta’lim, fan va innovatsiyalar sohasida eng yaxshi boshqaruv xodimi;
12. Sog‘liqni saqlash sohasida eng yaxshi boshqaruv xodimi;
13. Madaniyat, san’at va sport sohasida eng yaxshi boshqaruv xodimi;
14. Tashqi siyosat, tashqi iqtisodiy faoliyat va turizm sohasida eng yaxshi boshqaruv xodimi;
15. Makroiqtisodiyot va hududiy rivojlantirish sohasida eng yaxshi boshqaruv xodimi;
16. Transport va logistika sohasida eng yaxshi boshqaruv xodimi.

Tanlovda ishtirok etish uchun taraqqiyot-tanlov.uz saytida 1-oktabrdan 30-oktabrgacha bo‘lgan muddatda ro‘yxatdan o‘tish kerak. Tanlov haqida batafsil ma’lumot saytda berilgan.

Tanlov finaliga 150 nafar talabgor tanlab olinadi, ulardan 50 nafari g‘olib deb topiladi.