AQSh Senati qo‘mitasining Demokratik partiyadan a’zolari Robert Menendes va Janni Shaxin davlat kotibi Mayk Pompeoga Tramp va Putinning Xelsinkidagi uchrashuviga taaluqli hujjatlar va tarjimon qaydlarini taqdim etish haqidagi talabnoma yubordi. Bu haqda “Korrespondent.net” xabar bermoqda.
Menendes va Shaxin iyul sammiti bilan bog‘liq “barcha maxfiy va maxfiy bo‘lmagan shifrlashlar, tarjimon qaydlari va yo‘riqnomalari”ni taqdim etishni so‘ragan.
Bunday hujjatlar bo‘lmagan taqdirda senatorlar buni tasdiqlashni so‘ramoqda.
Menendes va Shaxin kongressmenlar tomonidan materiallar bilan tanishish va ularni tekshirishi muhim ekanligini “Rossiyaning har qanday yolg‘on ma’lumotiga javob qaytarish” zarurati bilan izohlaydi.
Izoh (0)