Оқ Уй Трамп ва Путин учрашуви ҳақидаги ҳужжатларни кўрсатишни сўрамоқда

АҚШ Сенати қўмитасининг Демократик партиядан аъзолари Роберт Менендес ва Жанни Шахин давлат котиби Майк Помпеога Трамп ва Путиннинг Хелсинкидаги учрашувига таалуқли ҳужжатлар ва таржимон қайдларини тақдим этиш ҳақидаги талабнома юборди. Бу ҳақда «Корреспондент.net» хабар бермоқда.

Менендес ва Шахин июль саммити билан боғлиқ «барча махфий ва махфий бўлмаган шифрлашлар, таржимон қайдлари ва йўриқномалари»ни тақдим этишни сўраган.

Бундай ҳужжатлар бўлмаган тақдирда сенаторлар буни тасдиқлашни сўрамоқда.

Менендес ва Шахин конгрессменлар томонидан материаллар билан танишиш ва уларни текшириши муҳим эканлигини «Россиянинг ҳар қандай ёлғон маълумотига жавоб қайтариш» зарурати билан изоҳлайди.