Polshadagi shahar politsiyasining bo‘limi charchoqdan kasallik ta’tiliga ketdi

Polshaning Kamen-Pomorski shahrida tergov bo‘limining barcha politsiyachilari ortiqcha ish sababli yuzaga kelgan charchoqdan kasallik ta’tiliga ketdi. Bo‘limda nechta xodim ishlagani noma’lum, deb yozmoqda TJournal.

Politsiya kasaba uyushmalari vakilining so‘zlariga ko‘ra, xodimlar juda ko‘p ishlaydi. Agar vaziyat o‘zgarmasa, bunday holatlar takrorlanadi. Xodimlarning kasallik ta’tiliga ketganini uchta manba tasdiqlagan.

Uyushma raisining so‘zlariga ko‘ra, kasallik ta’tiliga ketish 10-iyulda boshlangan ish tashlash bilan bog‘liq emas. Ortiqcha ishlashga kadrlar yetishmasligi sabab bo‘lgan. Bundan tashqari, ko‘pchilik yozda ta’tilga ketadi va ularning ishini boshqa xodimlar o‘rtasida taqsimlashga to‘g‘ri keladi.