Tashqi ishlar vaziri Abdulaziz Komilov diplomatik missiyasini yakunlayotgan Turkmanistonning Favqulodda va muxtor elchisi Shiri Shiriyevni qabul qildi. Bu haqda TIV matbuot xizmati xabar bermoqda.
Bo‘lib o‘tgan suhbat chog‘ida vazir Turkmaniston elchisi mamlakatda faol va sermahsul faoliyat yuritganini qayd etdi. Ikki davlat rahbarlari rahnamoligida sifat jihatdan yangi strategik sheriklik darajasiga ko‘tarilgan o‘zaro manfaatli O‘zbekiston — Turkmaniston munosabatlarini kengaytirish va chuqurlashtirishdagi uning qo‘shgan shaxsiy hissasini yuqori baholadi.
Shiri Shiriyev elchi sifatidagi samarali faoliyati uchun yaratilgan qulay sharoitlar uchun O‘zbekiston tomoniga minnatdorlik izhor etdi.
Izoh (0)