Toshkentda Ichki ishlar vazirligi akademiyasi hamda Turkiya Respublikasi Istanbul universiteti hamkorligida seminar mashg‘ulotlari tashkil etildi. Bu haqda O‘zA xabar bermoqda.
Tadbir terrorizm va ekstremizmga qarshi kurashishda Turkiya bilan tajriba almashish va shu asosda ikki mamlakat ta’lim muassasalari o‘rtasida o‘zaro hamkorlikni yanada rivojlantirish maqsadida tashkil etildi.
Ichki ishlar vazirligi akademiyasi boshlig‘i Bahodir Matlyubov, Istanbul universiteti professori Mustafo Qaratash va boshqalar O‘zbekiston va Turkiya Prezidentlarining uchrashuvlarida erishilgan kelishuvlar, buning natijasida turli sohalarda hamkorlik rivojlanib borayotgani qardosh xalqlar fan, ta’lim, ma’naviy-ma’rifiy va boshqa sohalardagi aloqalarni yanada rivojlantirish uchun ham keng imkoniyatlar yaratganini alohida ta’kidladi.
Ikki kun davom etgan seminarda akademiya professor-o‘qituvchilari va kursantlari “Terrorizm va diniy ekstremizmning jamiyat hayotiga tahdidlari”, “Politsiya ta’lim muassasalarida fiqh asoslarini o‘rgatish va diniy ta’lim berish masalalari” mavzularida ma’ruzalar tingladi.
Tadbir doirasida mehmonlar poytaxt, Buxoro va Samarqand shaharlarining diqqatga sazovor joylarini tomosha qildi.
Izoh (0)