O‘zbekiston Respublikasi Ichki ishlar vaziri Po‘lat Bobojonov va Samarqand viloyati IIB boshlig‘i Aziz Toshpo‘latov viloyat IIB huzuridagi IIV reabilitsatiya markazida bo‘lib, bu yerda salomatligini tiklayotgan osoyishtalik posbonlari uchun yaratilgan shart-sharoitlar bilan tanishdi, deb xabar bermoqda “Daryo” muxbiri Farhod Norbo‘tayev.
Tadbir doirasida Ichki ishlar vaziri general mayor Po‘lat Bobojonov kitob inson tafakkurining mahsuli va tarix solnomasi ekanligini ta’kidlab, kitob sotib olish uchun yigirma million so‘m mablag‘ ajratdi.
Po‘lat Bobojonov davolash profilaktik muassasasida salomatligini tiklayotgan ichki ishlar xodimlariga yangi zamon talablariga javob beradigan kutubxonani tuhfa etdi. Ushbu ziyo maskaniga qimmatbaho turdagi turli badiiy adabiy, ilmiy hamda diniy kitoblar taqdim etildi.
E’tirof etish joizki ushbu davolash muassasasida davo topayotgan ichki ishlar xodimlariga yana bir qulaylik yaratildi. Endi ular ushbu maskanda davolanish bilan bir qatorda shaharning turli tarixiy obidalariga sayyohat qilishi uchun IIV tomonidan Damas avtomashinasi topshirildi.
Izoh (0)