Xalq deputatlari Uzun tuman Kengashidagi O‘zLiDeP deputatlik guruhining navbatdagi yig‘ilishi bo‘lib o‘tdi. Unda tuman hokimi o‘rinbosari Sh.Maqsudovning hisoboti tinglandi.
Hisobotda ta’kidlanganidek, joriy yilda hududni rivojlantirish maqsadida 161 ta loyiha ishlab chiqilgan bo‘lib, shundan sanoat va ishlab chiqarishda 32, xizmat ko‘rsatishda 86, qishloq xo‘jaligi sohasida 43 ta loyiha amalga oshirilishi rejalashtirilgan. Shu yilning 6 oyi davomida esa qiymati 34,8 million so‘m bo‘lgan 113 ta loyiha doirasida 362 ta yangi ish o‘rni yaratildi.
— Tumanga xorijiy investitsiyalarni jalb qilish yuzasidan ham qator ishlar amalga oshirildi, — deydi Sh.Maqsudov. — Xususan, Termiz shahrida bo‘lib o‘tgan Xalqaro biznes-forumda qishloq xo‘jaligi mahsulotlarini eksport qilish maqsadida Rossiya, Afg‘oniston va Tojikiston tadbirkorlari bilan umumiy qiymati 8110.0 ming dollarlik hamkorlik memorondumi imzolandi. Ayni chog‘da afg‘onistonlik tadbirkorlar bilan 50 gektar maydonda intensiv bog‘ yaratish ishlari olib borilmoqda.
Yig‘ilishda, shuningdek, investitsiya loyihalari taqdim etmagan korxonalarga loyiha ishlab chiqish bo‘yicha amaliy ko‘mak berish, xorijiy investitsiyani nafaqat qishloq xo‘jaligi balqi boshqa sohalar bo‘yicha ko‘proq jalb qilish, yil yakuniga qadar rejalashtirilgan loyihalarni to‘liq bajarilishi bo‘yicha zarur taklif va tavsiyalar berildi.
Izoh (0)