Apple kompaniyasi iPhone’ni buzib, undan foydalanuvchilarning ma’lumotlariga ruxsatsiz kirishga imkon beruvchi zaiflikni bartaraf etishga va’da berdi. Bu haqda “Korrespondent.net” ma’lum qildi.
Ma’lumki, aynan shu zaiflik sababli maxsus xizmat vakillari va jinoyatchilar iPhone’dagi ma’lumotlarga kirish imkoniyatini qo‘lga kiritadi.
Xabar qilinishicha, operatsion tizimning keyingi talqinlarida sozlamalar shunday o‘rnatiladiki, qurilma bilan USB-port orqali aloqa, agar qurilmaning egasi so‘nggi bir soat davomida uni blokdan chiqarmagan bo‘lsa, avtomatik tarzda uziladi.
Bu o’zgarishlar iOS 11.4.1 talqini va iOS 12 mobil operatsion tizimidan o‘rin oladi.
Kompaniya vakillarining aytishicha, mazkur o‘zgarishlar avvalo qurilmalar jinoyatchilarning oson o‘ljasiga aylanadigan mamlakatlardagi mijozlar uchun joriy qilinadi.
Izoh (0)