Yaponiyaning Rossiya va yangi mustaqil davlatlar bilan savdo assotsiatsiyasi (ROTOBO) mamlakat iqtisodiyot, savdo va sanoat vazirligi ko‘magida “Markaziy Osiyo mamlakatlari bilan biznes-matching” dasturi doirasida biznes-hamkorlar topish, taqdimotlar o‘tkazish maqsadida Yaponiyaga borishni istagan nomzodlar (tadbirkorlar) tanlovini e’lon qildi. Bu haqda Savdo-sanoat palatasi ma’lum qildi.
Dastur Markaziy Osiyo ishlab chiqaruvchi korxonalari va Yaponiyaning yuqori texnologiyali kompaniyalari orasida o‘zaro samarali hamkorlik o‘rnatishga qaratilgan. Bu hamkor mamlakatlarda innovatsiyalar rivojlanishiga xizmat qiladi.
Yaponiya tomoni ushbu tashrif davomida mamlakat ichida transport va turar joy, uchrashuvlar tashkil qilish va tarjimonlik xizmatlari bilan bog‘liq xarajatlarni qoplaydi. Aviachiptalar va Yaponiyada ovqatlanish xarajatlarini ishtirokchilarning o‘zlari qoplashi kerak bo‘ladi.
Dasturda ishtirok etishni istagan tadbirkorlar 2018-yilning 22-iyuniga qadar Palata tadbirkorlikka o‘qitish va Xalqaro mehnat tashkiloti bilan aloqalar boshqarmasiga ariza yo‘llashi kerak bo‘ladi.
Izoh (0)