Ostona shahrida o‘tkazilgan boks bo‘yicha “Qozog‘iston prezidenti sovrini uchun” xalqaro musobaqada O‘zbekiston termasi hisobiga yagona oltin medalni yozib qo‘ygan Bektemir Meliqo‘ziyev o‘z taassurotlari bilan o‘rtoqlashdi, deb yozadi MOQ matbuot xizmati.
Musobaqada kuchli raqiblarga qarshi to‘qnash keldik. U yerda tajriba orttirdik. Bu katta musobaqalar oldidan yaxshigina tayyorgarlik vazifasini o‘tab berdi. U yerda kutilgan va kutilmagan raqiblar bo‘ldi. Shunga qaramay, murabbiylarimiz ko‘rsatmalarini to‘g‘ri bajargan holda, munosib ishtirok eta oldik. Ortda qolgan ikkita turnir Osiyo o‘yinlari oldidan muhim ahamiyatga ega edi. Umuman olganda, musobaqalar biz uchun yomon kechmadi. Hakamlar? Qozog‘istondagi musobaqa davomida hakamlik bo‘yicha biroz muammolar bo‘ldi. Shaxsan men uchun final jangi qiyin bo‘ldi.Eslatib o‘tamiz, musobaqada Bektemir Meliqo‘ziyevdan tashqari Shunqor Abdurasulov va Iqboljon Xoldorov kumush, Shahobiddin Zoirov, Aliyor Noraliyev, Mahmud G‘oipov va Isroil Madrimovlar bronza medali sohibiga aylandi.Bektemir Meliqo‘ziyev, bokschi
Izoh (0)