Остона шаҳрида ўтказилган бокс бўйича «Қозоғистон президенти соврини учун» халқаро мусобақада Ўзбекистон термаси ҳисобига ягона олтин медални ёзиб қўйган Бектемир Мелиқўзиев ўз таассуротлари билан ўртоқлашди, деб ёзади МОҚ матбуот хизмати.
Мусобақада кучли рақибларга қарши тўқнаш келдик. У ерда тажриба орттирдик. Бу катта мусобақалар олдидан яхшигина тайёргарлик вазифасини ўтаб берди. У ерда кутилган ва кутилмаган рақиблар бўлди. Шунга қарамай, мураббийларимиз кўрсатмаларини тўғри бажарган ҳолда, муносиб иштирок эта олдик. Ортда қолган иккита турнир Осиё ўйинлари олдидан муҳим аҳамиятга эга эди. Умуман олганда, мусобақалар биз учун ёмон кечмади. Ҳакамлар? Қозоғистондаги мусобақа давомида ҳакамлик бўйича бироз муаммолар бўлди. Шахсан мен учун финал жанги қийин бўлди.Эслатиб ўтамиз, мусобақада Бектемир Мелиқўзиевдан ташқари Шунқор Абдурасулов ва Иқболжон Холдоров кумуш, Шаҳобиддин Зоиров, Алиёр Норалиев, Маҳмуд Ғоипов ва Исроил Мадримовлар бронза медали соҳибига айланди.Бектемир Мелиқўзиев, боксчи
Изоҳ (0)