Toshkent shahar Ichki ishlar bosh boshqarmasi Yo‘l harakati xavfsizligi boshqarmasi body camera (tanaga o‘rnatiladigan kamera), ya’ni yo‘l-patrul xizmati xodimlari uchun mo‘ljallangan holatni qayd etib boruvchi video kameralarni sinovdan o‘tkazishni boshladi. Bu haqda IIBB matbuot xizmati xabar berdi.
Ushbu video kamera xodimning kunlik ish faoliyati, haydovchilar bilan o‘zaro muloqotini uzluksiz yozib boradi. Kameralar yagona boshqaruv tizimiga ulangan bo‘lib, markaziy apparat tomonidan boshqariladi. YPX xodimining kamera yozuvini to‘xtatib qo‘ya olmasligi, qayd etilgan tasvirni o‘chira olmasligi tizimda korrupsiyaning oldini olishga, vaziyatlarni haqqoniy o‘rganish va adolatli chora-tadbirlar ko‘rishga yordam beradi, deyiladi xabarda.
Ushbu zamonaviy uskuna sinovdan o‘tgan taqdirda, ulardan sohada keng foydalanish ko‘zda tutilgan.
Izoh (0)