Moskva shahridagi Tretyakov galereyasida Ilya Repinning “Ivan Grozniy va uning o‘g‘li Ivan 1581-yil 16-noyabrda” nomli kartinasiga zarar yetkazgan vandal asli o‘zbekistonlik bo‘lib chiqdi, deb yozadi Sputnik.
Kuni kecha politsiya oynavand asarga metal to‘siq ustuni bilan zarbalar bergan va asarga zarar yetkazgan 37 yoshli Igor Podporinni hibsga olgan edi. Huquq-tartibot organlari madaniy meros obyektiga zarar yetkazish holati bo‘yicha jinoyat ishi qo‘zg‘atdi. Erkak uch million rubl (48 ming dollar)gacha jarimaga tortilishi yoki uch yillik qamoqqa hukm qilinishi mumkin.
Uning akasi Vitaliy Podporinning so‘zlariga ko‘ra, ularning oilasi 90-yillarda O‘zbekistondan Voronej viloyatining Aleksandrovka qishlog‘iga ko‘chib kelgan. Igor qishloqdan ish topgan, Vitaliy esa poytaxtga ketgan.
So‘nggi yarim yildan buyon Igor kasalmand ota-onasi haqida qayg‘urib kelgan, bu akasining fikricha, uning ruhiyatiga ta’sir qilib, Tretyakov galereyasidagi hodisaga sababchi bo‘lgan.
Izoh (0)