Braziliya prezidenti Mishel Temer uzoqqa qatnovchi yuk mashinalari haydovchilari ish tashlayotgan bir paytda dizel yoqilg‘isi narxini 0,46 real (0,13 dollar)ga pasaytirdi, deb yozadi “RBK”.
U ko‘rilgan chora namoyishchilarning talablariga muvofiq kelishini aytdi. Ushbu narx 60 kun mobaynida amalda bo‘ladi, so‘ng dizel narxi har ikki oyda bir marta to‘g‘rilab turiladi.
Bundan tashqari, Braziliya prezidenti so‘zlariga ko‘ra, butun mamlakat bo‘ylab federal va hududiy yo‘llardan yurganlik uchun soliq undirish vaqtinchalik to‘xtatiladi.
Braziliyada 21-may kuni dizel yoqilg‘isi qimmatlashishi tufayli haydovchilarning norozilik aksiyasi boshlangan edi. Norozilik belgisi sifatida ular mamlakatning eng yirik shaharlariga olib boruvchi trassalarni yuk mashinalari bilan to‘sib qo‘ydi.
Izoh (0)