Piyodalar yo‘lagidan o‘tmoqchi bo‘lgan keksa kishiga yo‘l bermagan uch nafar avtomobil haydovchisiga nisbatan bayonnomalar rasmiylashtirildi. Bu haqda Toshkent shahar IIBB matbuot xizmati xabar berdi.
18-may kuni ijtimoiy tarmoqlarda Anton Kudryavsev ismli fuqaro tomonidan Baynalminal ko‘chasida tasvirga olingan video tarqalgan. Tasvirda 15 ta avtomobil haydovchilari piyodalar yo‘lagidan o‘tmoqchi bo‘lgan keksa kishiga yo‘l bermay o‘tib ketganligini ko‘rish mumkin.
Ushbu qoidabuzarlarga qarshi Ma’muriy javobgarlik to‘g‘risidagi kodeksining 128-modda 1-qismi bilan qonuniy chora ko‘rish maqsadida videotasvir Toshkent shahar IIBB YHXBga taqdim etildi.
18-mayning o‘zida soat 20:00 ga qadar piyodaga yo‘l bermagan 3 nafar qoidabuzarga qarshi bayonnomalar rasmiylashtirildi. Yana 12 nafar haydovchini aniqlash ishlari davom etmoqda.
Izoh (0)