Toshkent shahar IIBB Qo‘riqlash boshqarmasi xodimi o‘zini nomaqbul tutgani holati yuzasidan xizmat tekshiruvi belgiladi. Bu haqda IIBB axborot-multimedia markazi ma’lum qildi.
Mazkur xodimning hatti-harakatlari “Toshkent” telekanali tomonidan tasvirga olindi.
“Poytaxt yo‘llarida” ko‘rsatuvining 28-aprel, shanba kuni efirga uzatilgan lavhasida Toshkent shahri bozorlaridagi avtoturargohlarda mavjud muammolar haqida hikoya qilinadi. Ko‘rsatuv boshlovchisi jurnalist Nigora Dehqonova bunga mutasaddilarning munosabatini bilish uchun Arxitektura va qurilish bosh boshqarmasiga kelganida qo‘riqlash boshqarmasi xodimasi bo‘lgan ayol jurnalistlarga kameralarini sindirib tashlash bilan tahdid qiladi.
Ma’lumot uchun, mazkur ko‘rsatuv bugun, 30-aprel, dushanba kuni soat 11:50 da takror efirga uzatiladi.
Izoh (0)