Rossiyalik aralash yakkakurash jangchisi Fyodor Yemelyanenko Bellator chempionlik kamari uchun bo‘lib o‘tayotgan musobaqaning birinchi davrasida amerikalik Frenk Mirga qarshi jang qildi, deb yozadi “NTV”.
Chikagoda o‘tgan jang Yemelyanenkoning 1-raunddagi g‘alabasi bilan yakunlandi. Fyodor 49 soniya ichida raqibini nokaut bilan mag‘lub etdi.
Bu muvaffaqiyat 41 yoshli Yemelyanenko uchun faoliyatidagi 37-g‘alaba bo‘ldi. U 2015-yilda faoliyatini tiklagandan keyin o‘tkazgan 4 ta jangda 3-g‘alabani qo‘lga kiritdi. Uning 38 yoshli raqibi Mir esa faoliyatidagi 30 ta jangdagi 12-mag‘lubiyatiga rozi bo‘ldi.
Yemelyanenko endi musobaqaning yarim finalida amerikalik Cheyl Sonnenga qarshi jang qiladi.
Izoh (0)