O‘zbekiston Prezidenti Shavkat Mirziyoyev raisligida 26-aprel kuni videoselektor yig‘ilishi tashkil etildi. “Kun.uz” nashri yig‘ilishning ba’zi tafsilotlarini e’lon qildi.
Jumladan, Prezident juda ko‘pchilik hayfsan olganini, ayrimlar ishdan ketishini aytib o‘tgan. Bundan tashqari, respublika idora va tashkilotlari rahbarlari asosan hududlarda ish olib borishini belgilovchi qaror chiqarilishini e’lon qilgan.
Buxoroda bo‘lgan yig‘ilishning natijasidan Toshkentda o‘tirgan hamma rahbarlar xulosa qilsin. Juda ko‘p odam hayfsan olgan, ishdan ham ketadi. Toshkent shahar hokimiga ham bosh vazirdan boshlab, hamma o‘rinbosarlari, hamma vazirlar yordam beradi.“Kun.uz” xabarida Buxorodagi aynan qaysi yig‘ilish haqida gap borayotgani, ushbu yig‘ilish natijasida nimalar bo‘lganiga aniqlik kiritilmagan.Yaqinda qaror chiqadi — bundan buyon Toshkentda o‘tirgan hamma rahbar, vazirlarning 70 foiz hayoti viloyatda o‘tadi. Toshkentda o‘tirishga hech kimga ruxsat bermayman.
32 million xalqning 2,5 millioni Toshkent shahrida, qolgan hammasi viloyatlarda. Odamlarimiz qanday ahvolda yashayotganini televizordan ko‘ryapsizlar — tomidan chakki o‘tadi, suvi yo‘q, gazi yo‘q, kanalizatsiya yo‘q, chirog‘i yo‘q!..
Shavkat Mirziyoyev, O‘zbekiston Prezidenti
Avvalroq Prezident videoselektor yig‘ilishi davomida Toshkent shahrining barcha mas’ullarini qattiq ogohlantirgani, ularga olti oy muhlat bergani haqida xabar berilgan edi.
Eslatib o‘tamiz, 26-aprel kuni Toshkent shahar hokimi o‘zgardi — sobiq hokim Rahmonbek Usmonov O‘zbekiston avtomobil transporti agentligi boshlig‘i birinchi o‘rinbosari etib tayinlandi, uning o‘rniga “Artel” kompaniyasi direktori Jahongir Ortiqxo‘jayev shahar hokimi vazifasini bajaruvchi etib tayinlandi.
Izoh (0)