Ўзбекистон Президенти Шавкат Мирзиёев раислигида 26 апрель куни видеоселектор йиғилиши ташкил этилди. «Kun.uz» нашри йиғилишнинг баъзи тафсилотларини эълон қилди.
Жумладан, Президент жуда кўпчилик ҳайфсан олганини, айримлар ишдан кетишини айтиб ўтган. Бундан ташқари, республика идора ва ташкилотлари раҳбарлари асосан ҳудудларда иш олиб боришини белгиловчи қарор чиқарилишини эълон қилган.
Бухорода бўлган йиғилишнинг натижасидан Тошкентда ўтирган ҳамма раҳбарлар хулоса қилсин. Жуда кўп одам ҳайфсан олган, ишдан ҳам кетади. Тошкент шаҳар ҳокимига ҳам бош вазирдан бошлаб, ҳамма ўринбосарлари, ҳамма вазирлар ёрдам беради.«Kun.uz» хабарида Бухородаги айнан қайси йиғилиш ҳақида гап бораётгани, ушбу йиғилиш натижасида нималар бўлганига аниқлик киритилмаган.Яқинда қарор чиқади — бундан буён Тошкентда ўтирган ҳамма раҳбар, вазирларнинг 70 фоиз ҳаёти вилоятда ўтади. Тошкентда ўтиришга ҳеч кимга рухсат бермайман.
32 миллион халқнинг 2,5 миллиони Тошкент шаҳрида, қолган ҳаммаси вилоятларда. Одамларимиз қандай аҳволда яшаётганини телевизордан кўряпсизлар — томидан чакки ўтади, суви йўқ, гази йўқ, канализация йўқ, чироғи йўқ!..
Шавкат Мирзиёев, Ўзбекистон Президенти
Аввалроқ Президент видеоселектор йиғилиши давомида Тошкент шаҳрининг барча масъулларини қаттиқ огоҳлантиргани, уларга олти ой муҳлат бергани ҳақида хабар берилган эди.
Мавзуга доир: «Бунақа тошбақа қадамлар билан турмуш даражасини кўтара олмаймиз». Шавкат Мирзиёев Тошкент масъулларига олти ой муҳлат берди
Изоҳ (0)