Moliya vazirligi tashuvchi kompaniyalar o‘z daromadining katta qismini yashirayotganini ma’lum qildi

O‘zbekiston Moliya vazirligi tomonidan o‘tkazilgan tahlil avtomobil transportida yo‘lovchi va yuk tashuvchi kompaniyalar o‘z daromadini yashirayotganini ko‘rsatgan. Bu haqda vazirlik saytida ma’lum qilingan, deb yozmoqda Spot.

Vazirlik xabarida aytilishicha, 2016-yilda yuk tashish xizmatini ko‘rsatuvchi yuridik shaxslar bitta transport vositasi uchun o‘rtacha 140 ming so‘m to‘lagan bo‘lsa, yakka tartibdagi tadbirkorlar buning uchun 260 ming so‘m to‘lagan.

Idoraning taklifiga ko‘ra, bu muammoni hal qilish uchun mazkur kompaniyalarga soliqqa tortish tizimidan alohida tartibda, bitta transport vositasi uchun xuddi shu turdagi xizmatni ko‘rsatuvchi YTT uchun belgilangan miqdorda minimal soliq summasini kiritish kerak.