Shahrisabzdagi “Hazrati Imom” masjididan salkam 40 ming dollar o‘g‘irlandi

Tadbirkor S.Mamasodiqov shu yil 3-aprel kuni Qashqadaryo viloyatining Shahrisabz shahridagi “Hazrati Imom” jome masjidi tahoratxonasida ichida 38740 dollar bo‘lgan barsetkasini unutib qoldirganligi, birozdan so‘ng qaytib kelib, uni topolmaganligi yuzasidan IIBga murojaat qildi. Bu haqda IIV jamoatchilik va OAV bilan aloqalar boshqarmasi xabar berdi.

Ko‘rilgan choralar natijasida ushbu jinoyatni Buxoro viloyati, G‘ijduvon tumanida yashovchi, 1970-yilda tug‘ilgan A.Kenjayev va Toshkent shahri, Uchtepa tumanida yashovchi, 1962-yilda tug‘ilgan G‘.Nishonov sodir etgani aniqlandi.

O‘g‘rilar qo‘lga olindi.