Rossiya prezidenti Vladimir Putin AQSh bilan munosabatlarda “keskinlikni kamaytirmoqchi”, shu sababli mansabdorlarga aksilamerikacha quruq gaplarni kamaytirish vazifasini berdi, deb yozadi TJournal Bloomberg’ga tayanib.
Nashrning vaziyatga yaqin manbalari ta’kidlashicha, Rossiya prezidenti Suriya tufayli yuzaga kelgan nizoli holat fonida Donald Trampga “yana bir imkoniyat berib”, aloqalarni yaxshilamoqchi.
Bilvosita dalil sifatida Bloomberg 13-aprelda kiritilgan, ammo 15-maydagina muhokama qilinadigan Amerikaga qarshi sanksiyalar to‘g‘risidagi qonun loyihasining kechiktirilishini keltirib o‘tdi. “Putin ko‘p narsada yon berishga tayyor, ammo bu u yutqazmayotgandek ko‘rinishi kerak”, — dedi Siyosiy texnologiyalar markazi prezidenti Igor Bunin.
Nashr taxmin qilishicha, Rossiya prezidenti AQSh bilan iqtisodiy sohada musobaqalashishni istamaydi. U navbatdagi sanksiyalar tufayli mamlakat uchun muhim bo‘lgan yana bir kompaniya zarar ko‘rishiga yo‘l qo‘ymoqchi emas.
Izoh (0)