Kecha APLning 34-tur uchrashuvlari boshlangandi. 14-aprel sanasida 7 ta uchrashuv bo‘lib o‘tgani haqida avvalroq xabar berilgan edi.
Ulardan birida Rafa Benites boshchiligidagi “Nyukasl” o‘z maydonida Arsen Venger boshliq “Arsenal”ni qabul qildi. Uchrashuvda hisob “kanonirlar” tomonidan 14-daqiqaga kelib ochildi. Gol muallifi — Aleksandr Lyakazett. Oradan 15 daqiqa o‘tib, “Nyukasl” a’zosi Ayoze Peres hisobni tenglashtirdi. Birinchi bo‘lim 1:1 hisobida yakunlandi. Ikkinchi bo‘limning 68-daqiqasida Mett Ritchi “Nyukasl”ga g‘alaba keltiruvchi golga mualliflik qildi. Shu tariqa Arsen Venger shogirdlari navbatdagi mag‘lubiyatni qabul qilib oldi.
Birozdan so‘ng kun taqvimidan o‘rin olgan ikkinchi uchrashuvda “Manchester Yunayted” o‘z maydonida “Vest Bromvich”ni qabul qiladi.
Angliya premyer ligasi
34-tur bellashuvlari
15-aprel, yakshanba
Izoh (0)