“O‘zgidromet” ma’lumotlariga ko‘ra, 15—16-aprel kunlari O‘zbekiston hududiga Turkmaniston tomondan nam havo oqimining kirib kelishi kutilmoqda. 16-aprel kuni kechasi respublika hududiga Volga daryosi mintaqasidan nisbatan sovuq antisiklon kirib keladi, deb yozmoqda UzNews.
15—17-aprel kunlari O‘zbekiston bo‘ylab yomg‘ir yog‘adi, tog‘li hududlarda yog‘ingarchilik kuchli bo‘lishi mumkin. Momaqaldiroq bo‘lish ehtimoli bor. Shamolning tezligi soniyasiga 15—20 metrgacha kuchayishi mumkin.
15—16-aprel kunlari havo harorati kechasi +10…+15 daraja, kunduzi esa +15…+20 daraja bo‘lishi kutilmoqda.
17-aprelda havo harorati kechasi +5…+10 darajagacha, kunduzi esa +13…+18 darajagacha pasayishi mumkin.
Izoh (0)