O‘zbekiston Respublikasi Prezidentining 2018-yil 29-martdagi “Obod qishloq” dasturini 2018-yilda amalga oshirish bo‘yicha qo‘shimcha chora-tadbirlar to‘g‘risida”gi PQ-3630-sonli qarorining ijrosini ta’minlash yuzasidan Qoraqalpog‘iston Respublikasi Beruniy tumani Biybazar ovul fuqarolar yig‘inini “Obod qishloq”qa aylantirish maqsadida O‘zLiDeP Beruniy tumani Kengashi xodimlari hamda deputatlar tashabbusi bilan bir qator ishlar amalga oshirilmoqda, deb xabar beradi “KRuz.uz”.
Jumladan, Xalq deputatlari Beruniy tumani Kengashidagi O‘zLiDeP deputati Umidjan Qalandarov tomonidan Biybazar ovul fuqarolar yig‘ini aholisini ish bilan ta’minlash hamda aholining tadbirkorlik bilan shug‘ullanishi uchun hududda yashovchi har bir xonadonga kirilib, aholiga tushuntirish ishlar olib borildi. Natijada hududda yashovchi 106 nafar fuqaro o‘z tomorqasidan samarali foydalanish maqsadida issiqxona qurish uchun kredit olish istagini bildirdi hamda kredit olish istagida bo‘lgan 106 nafar fuqarodan hozirgi kunda 86 nafari imtiyozli kreditlar olib o‘z tomorqalarida issiqxona qurish ishlarini boshlab yubordi.
Shuningdek, Xalq deputatlari Beruniy tumani Kengashidagi O‘zLiDeP deputati Muhammad Yo‘ldashev tomonidan ham ijobiy ishlar amalga oshirilmoqda, deyiladi xabarda.
Xususan, “Biybazar” OFY xududi “Paxtachi” aholi manzilida mavjud 223 ta xonadondan 203 tasini ta’mirlash, shundan o‘tgan 13 kun mobaynida 34 ta turar joyning tom qismi shiferlash ishlari boshlanib, 27 tasida yakunlanishida amaliy yordam ko‘rsatildi.
15 ta uyning ustki qismini ta’mirlash ishlari, 9 ta turar joyning orqa tomonidagi eski molxonalarini buzish, atrofini obodonlashtirish ishlari bajarildi.
Partiya hodimlari va deputatlar Beruniyda “Obod qishloq”lar barpo etilishida shijoat bilan mehnat qilib, faol qatnashmoqda, deyiladi xabarda.
Izoh (0)