Ўзбекистон Республикаси Президентининг 2018 йил 29 мартдаги «Обод қишлоқ» дастурини 2018 йилда амалга ошириш бўйича қўшимча чора-тадбирлар тўғрисида»ги ПҚ-3630-сонли қарорининг ижросини таъминлаш юзасидан Қорақалпоғистон Республикаси Беруний тумани Бийбазар овул фуқаролар йиғинини «Обод қишлоқ»қа айлантириш мақсадида O’zLiDeP Беруний тумани Кенгаши ходимлари ҳамда депутатлар ташаббуси билан бир қатор ишлар амалга оширилмоқда, деб хабар беради «KRuz.uz».
Жумладан, Халқ депутатлари Беруний тумани Кенгашидаги O’zLiDeP депутати Умиджан Қаландаров томонидан Бийбазар овул фуқаролар йиғини аҳолисини иш билан таъминлаш ҳамда аҳолининг тадбиркорлик билан шуғулланиши учун ҳудудда яшовчи ҳар бир хонадонга кирилиб, аҳолига тушунтириш ишлар олиб борилди. Натижада ҳудудда яшовчи 106 нафар фуқаро ўз томорқасидан самарали фойдаланиш мақсадида иссиқхона қуриш учун кредит олиш истагини билдирди ҳамда кредит олиш истагида бўлган 106 нафар фуқародан ҳозирги кунда 86 нафари имтиёзли кредитлар олиб ўз томорқаларида иссиқхона қуриш ишларини бошлаб юборди.
Шунингдек, Халқ депутатлари Беруний тумани Кенгашидаги O’zLiDeP депутати Муҳаммад Йўлдашев томонидан ҳам ижобий ишлар амалга оширилмоқда, дейилади хабарда.
Хусусан, «Бийбазар» ОФЙ худуди «Пахтачи» аҳоли манзилида мавжуд 223 та хонадондан 203 тасини таъмирлаш, шундан ўтган 13 кун мобайнида 34 та турар жойнинг том қисми шиферлаш ишлари бошланиб, 27 тасида якунланишида амалий ёрдам кўрсатилди.
15 та уйнинг устки қисмини таъмирлаш ишлари, 9 та турар жойнинг орқа томонидаги эски молхоналарини бузиш, атрофини ободонлаштириш ишлари бажарилди.
Партия ҳодимлари ва депутатлар Берунийда «Обод қишлоқ»лар барпо этилишида шижоат билан меҳнат қилиб, фаол қатнашмоқда, дейилади хабарда.
Изоҳ (0)