10-aprelning e’tiborga molik yangiliklari — “Daryo”ning kechki dayjestida.
1. O‘zbekiston shaharlarida tezlik 60 km/soatgacha pasaytirilishi mumkin. Hozircha bu haqdagi konsepsiya jamoatchilik muhokamasiga qo‘yilgan.
2. O‘zbekistonda qarzdorligi bo‘lgan shaxslarning chet elga chiqishi cheklanishi mumkin. Masalan, issiq suvdan eng kam ish haqining ikki baravaridan ko‘proq miqdorda qarzdor bo‘lsangiz sizga banklar ham kredit bermaydi. Agar Majburiy ijro byurosi rejalashtirayotgan hamma loyihalar amalga oshsa.
3. Bloomberg: Alisher Usmonovning mol-mulki 255 mln dollarga kamaydi. Umuman olganda, Rossiyalik milliarderlar bir kunda 12 milliard dollar yo‘qotdi. Bunga AQShning yangi sanksiyalari sabab.
4. Rossiyada nega O‘zbekistonda ishlab chiqarilayotgan avtomobillar qimmatlashdi? Birinchi sabab — Rossiyada utilizatsiya bo‘yicha to‘lov hajmining oshishi bilan bog‘liq.
5. OAV: Samvel Babayan Latviyada o‘zbek futboli va o‘zbekistonlik murabbiylarning saviyasini ko‘rsatishga va’da berdi. O‘FA Babayanni bir umrga futboldan chetlatgan edi, biroq, ma’lum bo‘lishicha, 1-fevralda bu qaror bekor qilingan.
Izoh (0)