Outrider Foundation notijorat tashkiloti vakillari har qanday kishi turli sharoitlardan kelib chiqib, yadroviy portlash oqibatlarini ko‘rishi mumkin bo‘lgan servisni yaratdi, deb yozadi Motherboard.
Interaktiv xarita foydalanuvchilarga o‘zining joylashgan joyi haqidagi ma’lumotlarni kiritish va ro‘yxatdan “portlatish uchun” yadro bombalaridan birini tanlab olish imkoniyatini beradi. Servis foydalanuvchilarida, shuningdek, portlashning yerda yoki havoda amalga oshishini tanlash imkoni ham bor.
Barcha zarur ma’lumotlar kiritilgach, xaritada yadro portlashi aks etadi, u bilan birga, zararlanish radiusi, portlash to‘lqini, radiatsiya va voqealar markazidagi harorat haqida aniq axborot paydo bo‘ladi. Bundan tashqari, sayt algoritmlari portlash qurbonlari va jabrlanganlarning potensial sonini aniqlaydi.
Izoh (0)