Outrider Foundation нотижорат ташкилоти вакиллари ҳар қандай киши турли шароитлардан келиб чиқиб, ядровий портлаш оқибатларини кўриши мумкин бўлган сервисни яратди, деб ёзади Motherboard.
Интерактив харита фойдаланувчиларга ўзининг жойлашган жойи ҳақидаги маълумотларни киритиш ва рўйхатдан «портлатиш учун» ядро бомбаларидан бирини танлаб олиш имкониятини беради. Сервис фойдаланувчиларида, шунингдек, портлашнинг ерда ёки ҳавода амалга ошишини танлаш имкони ҳам бор.
Барча зарур маълумотлар киритилгач, харитада ядро портлаши акс этади, у билан бирга, зарарланиш радиуси, портлаш тўлқини, радиация ва воқеалар марказидаги ҳарорат ҳақида аниқ ахборот пайдо бўлади. Бундан ташқари, сайт алгоритмлари портлаш қурбонлари ва жабрланганларнинг потенциал сонини аниқлайди.
Изоҳ (0)