Amerika vizasini qo‘lga kiritish borasida haqiqatdan yiroq bo‘lgan 10 afsona

Ko‘pchilik uchun Amerika vizasi orzu bo‘lib qolmoqda, buning natijasida uni olish jarayoni ko‘plab afsonalar va stereotiplar bilan to‘lib toshgan. Forum Daily ular orasida haqiqatdan uzoq bo‘lganlarini to‘plab taqdim etdi.

1. Viza qo‘lga kiritilganidan keyin 6 oy ichida AQShga borish kerak, bo‘lmasa u o‘z kuchini yo‘qotadi.

Bu yolg‘on. Har bir vizaga amal qilish muddati yozilgan bo‘ladi va u shu muddatga qadar amalda bo‘ladi. Viza bo‘yicha birinchi sayohatni ushbu oraliqda ko‘rsatilgan istalgan vaqtda amalga oshirish mumkin. Viza faqatgina qaytarib olinsa yoki Amerika migratsiya xizmati tomonidan bekor qilinsa o‘z kuchini yo‘qotadi.

2. Har yili taqdim etiladigan vizalar soni cheklangan

Immigratsion bo‘lmagan turistik vizalarga bunday cheklovlar yo‘q. Bu faqat immigratsion vizalarga nisbatan qo‘llaniladi.

3. Agarda barcha farzandlar AQShda bo‘lsa, ularning ota-onasiga viza berilmaydi

Ushbu omil konsullikning qaroriga ta’sir ko‘rsatishi mumkin, biroq viza berilmasligining yagona sababi bo‘la olmaydi. Barcha shartlar bajarilgan bo‘lsa, albatta, viza beriladi.

4. Agar oldin sizga rad javobi berilgan bo‘lsa, viza olishda sizga Amerika kongressmeni yoki senatori tomonidan taqdim etilgan xat yordam beradi

Yo‘q. Qo‘shma Shtatlar viza taqdim etish yoki uni berkor qilish majburiyatini boshqa mamlakatlardagi konsullik ofislari zimmasiga yuklangan. Aynan ular so‘nggi qarorni qabul qiladi. Bundan tashqari, Amerika qonunlari viza borasida qaror qabul qilish jarayonini tashqi omillar ta’siridan himoya etadi.

5. Agar arizachining birorta farzandi AQSh fuqarosi bo‘lsa, ota-otaga mehmon vizasi berilmaydi

Bu yolg‘on. Agarda ota-ona o‘zlarining tashrifidan maqsad — vaqtincha farzandlari bilan birga bo‘lish, AQShda qolish emasligini isbotlab bersa, ular Amerika vizasini oladi.

6. Olti oyga viza so‘ralganida uni olish imkoniyati kamayadi

Vizani so‘rash vaqtida arizachining ko‘rsatgan muddati safar maqsadiga mantiqan mutanosib bo‘lishi kerak. Agarda arizachi biror joyda ishlasa va ish joyi 2 oy davomida uning ish o‘rnini saqlab qolish borasidagi ma’lumotnomaga ega bo‘lsa, biroq u 6 oyga viza so‘rasa, albatta, bu turli savollarni yuzaga keltiradi.

7. Viza olish borasidagi avvalgi arizasiga rad javobini olgan fuqarolarning boshqatdan uni qo‘lga kiritish imkoniyati juda past

Viza taqdim etishda ko‘plab omillar inobatga olinadi, jumladan, o‘tgan safar nima sababdan rad etilganligi ham. Shunga qaramay, barcha rad javoblari ham fuqaroning kelgusi urinishiga salbiy ta’sir ko‘rsatmaydi. Barcha shartlar bajarilsa, vizani olish mumkin.

Viza taqdim etilmaydigan bo‘lsa, konsullik ofitserlari uning sababini ham keltiradi. Agarda arizachi mazkur sabablarni bartaraf etganini isbotlasa, keyingi safar viza beriladi.

8. Agarda arizachi bundan oldin xorijga chiqqan bo‘lsa, unga Amerika vizasini beriladi

Yolg‘on. Amerikani vizasini qo‘lga kiritish uchun bir qator shartlar bajarilgan bo‘lishi kerak. Bungan oldin xorijga chiqqanlik borasidagi fakt konsullik tomonidan qaror qabul qilinayotganida arizachining foydasiga hech qanday ta’sir ko‘rsatmaydi.

9. Agar avval ham Amerika vizasi qo‘lga kiritilgan bo‘lsa, keyingi safar u hech qanday muammosiz taqdim etiladi

Bu majburiy jarayon emas, chunki vaziyat va sharoit o‘zgarishi mumkin. Fuqaro har safar AQSh vizasini olish bo‘yicha ariza topshirganida talablarga javob berishi kerak.

10. Agarda B1/B2 vizasini cho‘zish bo‘yicha murojaat qilingan bo‘lsa, keyingi safar viza berilmaydi

Bunday emas. Avvalo AQShda belgilangan muddatdan ortiq qolib ketmaslikka harakat qilish kerak. Agar belgilangan muddatdan ortiq qolib ketilsa, jiddiy muammolar paydo bo‘lishi mumkin. Bu kabi holatda bojxona ofitserida shubha uyg‘otgan fuqarolarga ham AQShga kirish taqiqi qo‘yiladi.