Америка визасини қўлга киритиш борасида ҳақиқатдан йироқ бўлган 10 афсона

Кўпчилик учун Америка визаси орзу бўлиб қолмоқда, бунинг натижасида уни олиш жараёни кўплаб афсоналар ва стереотиплар билан тўлиб тошган. Forum Daily улар орасида ҳақиқатдан узоқ бўлганларини тўплаб тақдим этди.

1. Виза қўлга киритилганидан кейин 6 ой ичида АҚШга бориш керак, бўлмаса у ўз кучини йўқотади.

Бу ёлғон. Ҳар бир визага амал қилиш муддати ёзилган бўлади ва у шу муддатга қадар амалда бўлади. Виза бўйича биринчи саёҳатни ушбу оралиқда кўрсатилган исталган вақтда амалга ошириш мумкин. Виза фақатгина қайтариб олинса ёки Америка миграция хизмати томонидан бекор қилинса ўз кучини йўқотади.

2. Ҳар йили тақдим этиладиган визалар сони чекланган

Иммиграцион бўлмаган туристик визаларга бундай чекловлар йўқ. Бу фақат иммиграцион визаларга нисбатан қўлланилади.

3. Агарда барча фарзандлар АҚШда бўлса, уларнинг ота-онасига виза берилмайди

Ушбу омил консулликнинг қарорига таъсир кўрсатиши мумкин, бироқ виза берилмаслигининг ягона сабаби бўла олмайди. Барча шартлар бажарилган бўлса, албатта, виза берилади.

4. Агар олдин сизга рад жавоби берилган бўлса, виза олишда сизга Америка конгрессмени ёки сенатори томонидан тақдим этилган хат ёрдам беради

Йўқ. Қўшма Штатлар виза тақдим этиш ёки уни беркор қилиш мажбуриятини бошқа мамлакатлардаги консуллик офислари зиммасига юкланган. Айнан улар сўнгги қарорни қабул қилади. Бундан ташқари, Америка қонунлари виза борасида қарор қабул қилиш жараёнини ташқи омиллар таъсиридан ҳимоя этади.

5. Агар аризачининг бирорта фарзанди АҚШ фуқароси бўлса, ота-отага меҳмон визаси берилмайди

Бу ёлғон. Агарда ота-она ўзларининг ташрифидан мақсад — вақтинча фарзандлари билан бирга бўлиш, АҚШда қолиш эмаслигини исботлаб берса, улар Америка визасини олади.

6. Олти ойга виза сўралганида уни олиш имконияти камаяди

Визани сўраш вақтида аризачининг кўрсатган муддати сафар мақсадига мантиқан мутаносиб бўлиши керак. Агарда аризачи бирор жойда ишласа ва иш жойи 2 ой давомида унинг иш ўрнини сақлаб қолиш борасидаги маълумотномага эга бўлса, бироқ у 6 ойга виза сўраса, албатта, бу турли саволларни юзага келтиради.

7. Виза олиш борасидаги аввалги аризасига рад жавобини олган фуқароларнинг бошқатдан уни қўлга киритиш имконияти жуда паст

Виза тақдим этишда кўплаб омиллар инобатга олинади, жумладан, ўтган сафар нима сабабдан рад этилганлиги ҳам. Шунга қарамай, барча рад жавоблари ҳам фуқаронинг келгуси уринишига салбий таъсир кўрсатмайди. Барча шартлар бажарилса, визани олиш мумкин.

Виза тақдим этилмайдиган бўлса, консуллик офицерлари унинг сабабини ҳам келтиради. Агарда аризачи мазкур сабабларни бартараф этганини исботласа, кейинги сафар виза берилади.

8. Агарда аризачи бундан олдин хорижга чиққан бўлса, унга Америка визасини берилади

Ёлғон. Американи визасини қўлга киритиш учун бир қатор шартлар бажарилган бўлиши керак. Бунган олдин хорижга чиққанлик борасидаги факт консуллик томонидан қарор қабул қилинаётганида аризачининг фойдасига ҳеч қандай таъсир кўрсатмайди.

9. Агар аввал ҳам Америка визаси қўлга киритилган бўлса, кейинги сафар у ҳеч қандай муаммосиз тақдим этилади

Бу мажбурий жараён эмас, чунки вазият ва шароит ўзгариши мумкин. Фуқаро ҳар сафар АҚШ визасини олиш бўйича ариза топширганида талабларга жавоб бериши керак.

10. Агарда B1/B2 визасини чўзиш бўйича мурожаат қилинган бўлса, кейинги сафар виза берилмайди

Бундай эмас. Аввало АҚШда белгиланган муддатдан ортиқ қолиб кетмасликка ҳаракат қилиш керак. Агар белгиланган муддатдан ортиқ қолиб кетилса, жиддий муаммолар пайдо бўлиши мумкин. Бу каби ҳолатда божхона офицерида шубҳа уйғотган фуқароларга ҳам АҚШга кириш тақиқи қўйилади.